სამაგიდო თამაში კატანი – Catan Board Game

Catan-ში მოთამაშეები ცდილობენ დასახლდნენ კატანის კუნძულზე და მასზე არსებული რესურსებით (მარცვლეული?, მატყლი?, აგური?, მორი?, ქვა⛏) შექმნან ყველაზე ძლიერი სახელმწიფო.

მოთამაშეებს რესურსების გამოყენებით გაჰყვავთ გზები, აარსებენ sოფლებს, ნავსადგურებსა და ქალაქებს, გარდა ამისა მათ საკუთარი რესურსებისა და სახელმწიფოს დაცვა ყაჩაღთა შემოტევებისგანაც უწევთ. თამაშის მიზანია რაც შეიძლება სწრაფად შექმნათ ყველაზე ძლიერი სახელმწიფო კუნძულზე და დააგროვოთ 10 გამარჯვების ქულა (Victory Point). თამაშის საწყის ეტაპზე მოთამაშეები ყუთში არსებული ექვსკუთხედების გამოყენებით აწყობენ სასურველი ფორმის რუკას, რომელიც ყოველ ჯერზე განსხვავებული და უნიკალურია, რაც თამაშს მრავალფეროვნებას მატებს. ამის შემდეგ ექვსკუთხედებზე შემთხვევითობის პრინციპით ხდება ციფრების განაწილება და მოთამაშეები იწყებენ კოლონიზაციას მათ მიერ შექმნილ კუნძულზე. თამაშის მსვლელობისას მოთამაშეები აგროვებენ სხვადასყვა რესურსებს, რომლებსაც შემდგომ საკუთარი სახელმწიფოს განვითარებისთვის იყენებენ. როდესაც მოთამაშე სოფელს აარსებს მას ენიჭება 1 გამარჯვების ქულა, ხოლო სოფლის ქალაქად გარდაქმნა 2 ქულის მომტანია. თამაშში დამატებითი 2-2 გამარჯვების ქულა ენიჭება კუნძულზე ყველაზე გრძელ გზისა და ყველაზე დიდი არმიის მქონე მოთამაშეს. თამაშის მიზანია ყველაზე სწრაფად დააგროვოთ 10 გამარჯვების ქულა.